Ова е листата со пет имиња за новиот напаѓач на Манчестер Јунајтед

Манчестер Јунајтед бара напаѓач и тоа не е тајна, тие ќе се обидат да донесат неколку квалитетни играчи во текот на летото, а баш најкритичната позиција се чини дека е онаа во нападот. 

Поради тоа постои и листа на играчи кои им се интересни на Манчестер Јунајтед, а прв на неа е Лијам Делап. 

Овој момче игра одлично во Ипсвич оваа сезона, има само 22 години и покажал дека може да биде важен играч не само во Ипсвич, туку во кој било друг клуб од Премиер лигата. 

Со десет гола во Премиер лигата оваа сезона, докажа дека може да биде од голема корист, а Челзи е клуб кој исто така го посакува во својот ред. 

Следен – Хуго Екитике, исто така 22-годишен напаѓач, но настапува за Ајнтрахт од Франкфурт и до сега има постигнато 19 голови оваа сезона на 38 натпревари. Во неговиот случај, најголем проблем е конкуренцијата која не е мала, бидејќи голем е бројот на квалитетни клубови кои го посакуваат младиот Французин. 

Бенџамин Шешко е уште еден од играчите кои се на листата, 21-годишниот Словенец игра одлично во Лајпциг, а Арсенал е најголемата конкуренција на Манчестер Јунајтед, додека во последно време повторно се спомнува Виктор Осимен. 

Нигериецот сега е во Галатасарај, односите со Наполи не се баш најдобри, но Манчестер Јунајтед не се откажал од него и ќе се обиде на лето да го донесе доколку најважниот план пропадне. 

Последниот на листата е Виктор Ѓокереш. Фудбалерот на Спортинг остана во тој клуб, а најголемиот проблем за Манчестер Јунајтед е фактот што нема да игра Лига на шампиони наредната сезона.