Откриени детали од договорот на Перез и Анчелоти: Италијанецот заминува со две привилегии

Реал Мадрид реши да му го исплати на тренерот Карло Анчелоти преостанатиот договор до последниот цент иако е јасно дека Италијанецот заминува, објави денеска шпанскиот Релево.

Реал, исто така, планира да му понуди на Анчелоти почесна функција амбасадор на клубот до крајот на животот, штом реши да се повлече од тренерската кариера.

Одлуката доаѓа по серија шпекулации за неговата иднина, кои се засилија по неодамнешниот пораз од Барселона во финалето на шпанскиот Куп на кралот.

Анчелоти сè уште се наоѓа на чело на мадридскиот клуб, но неговата иднина е сè понеизвесна со навестувањата дека би можел да ја напушти клупата по завршувањето на оваа сезона.

🚨 НОВО: Реал Мадрид ќе му ја исплати на Карло Анчелоти неговата преостаната плата.

Дополнително, ќе му биде понудена ДОЖИВОТНА улога на амбасадор на клубот, по неговото пензионирање. @relevo pic.twitter.com/EDUCTWI5hj

— Madrid Xtra (@MadridXtra) 28 април 2025

За време на својот мандат, тој освои бројни трофеи, но Анчелоти се соочува со критики поради променливите резултати и намалената ангажираност на младите играчи како Ендрик, Гулер и Брахим Диаз.

Тие се надеваат на поголема минутажа кај идниот тренер, а Реал Мадрид се подготвува за нова ера со големо почитување кон легендарниот италијански стратег.

Инаку, Анчелоти ќе има заслужено место во историјата на клубот без оглед на неговото заминување од тренерската позиција.