Откриен досега непознат прекар на Меси: Ако си го слушнал тоа име, веќе знаеш дека губиш 0-3

Голманот на Хуракан, Хернан Галиндез, се присети на своите средби со Лео Меси од детството, кога денешната ѕвезда на Интер Мајами играше за Њуелс. „Многупати се сретнавме“, рече Галиндез, кој тогаш бранеше за помладите категории на Росарио Централ, додека Меси играше за Њуелс.

Тој го откри и прекарот што Меси го имаше тогаш: „Секогаш го викаа ‘Ел Колорадо што игра со 10’ (Црвениот со десетката). Ако си го слушнал тоа име, знаел си дека веќе губиш 0-3.” Галиндез во интервју за ЕСПН раскажа дека Меси веќе како дете бил извонреден: “Беше ѕвер.

Постојат снимки каде може да се види како играл, а и во живо беше застрашувачки да се види дека некој со толку малку години така ја води топката”, пишува Мундо Депортиво.