Спортскиот директор на Милан, Игли Таре, потврди дека „росонерите“ испратиле подобрена понуда за играчот од средниот ред на Бриж, Ардон Јашари, но тоа ќе биде последниот обид за привлекување на овој играч.
Од „Сан Сиро“ веќе испратија понуда во висина од 32,5 милиони евра плус уште 5,5 милиони во форма на бонуси, но она беше одбиена од белгиската страна, која инсистираше на повеќе. Очекувањата се дека новата понуда ќе биде зголемена за уште два или три милиони и структурирана така што ќе се достигне поставената цена од 40 милиони евра од страна на Бриж.
Street Workout Macedonia – Движење што гради сила, карактер и издржливост | Уште еден поткаст
„Имаме добри односи со Бриж и направивме нова понуда за Јашари. Сметаме дека таа е соодветна според цената на играчот, но не сме подготвени да правиме повеќе понуди,“ краток беше Таре. Самиот играч веќе се договори за личните услови со Милан и сака да премине на „Сан Сиро“. Ардон Јашари не е дел од групата на Бриж за натпреварот со Генк денес, и се очекува на крај договорот со Милан да се реализира.
Учество во игри на среќа е дозволено за лица со 18+ години. Играј одговорно!