Кошаркарите на Оклахома Сити Тандер ги поразија Минесота Тимберволвс со 124:94 во петтиот натпревар од серијата на плејофот на финалето на Западната конференција во НБА лигата и со вкупни 4:1 се пласираа во големото финале и борбата за прстенот. Тоа им е првото финале од 2012 година, а таму ќе играат против победникот од финалето на Исток каде што Индијана Пејсерс има предност од 3:1 против Њујорк Никс.
Освен почетното водство на Минесота, сè во овој натпревар беше во знак на Тандер, кои по првата четвртина имаа предност од 26:9, а во еден момент од дуелот и +39 поени повеќе од противникот.
До кога ќе дишеме отровен воздух!? | Уште еден поткаст
Шеј Гилџис-Александер, МВП на основниот дел од лигата, повторно беше најдоброто име за Оклахома. Во победата запиша 34 поени, седум скока и осум асистенции. Најголемата помош ја доби од Холмгрен (22 поени, седум скока, три блокади) и Вилијамс (19 поени, осум скока, пет асистенции).
Џулиус Рендл постигна 24, а Ентони Едвардс 19 поени за Тимберволвс, кои од игра стрелаа со прецизност од 41,2 проценти и имаа 21 изгубена топка.
Учество во игри на среќа е дозволено за лица со 18+ години. Играј одговорно!