Oфицијално: Легендарниот Холанѓанец нов селектор на Индонезија

Холандскиот тренер Патрик Клајверт е новиот селектор на репрезентацијата на Индонезија, соопшти денес Фудбалскиот сојуз на Индонезија (PSSI).

Во соопштението се наведува дека Клајверт потпиша двегодишен договор со можност за продолжување на соработката за уште две сезони. Негови помошници ќе бидат холандските тренери Алекс Пастор и Дени Ландзат.

Клајверт (48) ќе дебитира на клупата на Индонезија на 20 март во натпреварот против Австралија во квалификациите за Светското првенство 2026 година.

Индонезија се наоѓа на третото место на табелата во групата Ц на азиските квалификации за СП 2026 со шест бода од шест натпревари.