Шефовите на Манчестер Јунајтед многу активно работат на договорот за Матеус Куња од Вулверхемптон и на „Олд Трафорд“ се надеваат дека тој ќе биде завршен во краток рок, а Бразилецот треба да биде првото ново засилување на тимот ова лето, информира Фабрицио Романо.
Италијанскиот новинар дополнува дека преговорите се во напредна фаза и веќе се одржаа бројни средби меѓу претставници на бразилскиот репрезентативец и луѓе од раководството на „црвените ѓаволи“, кои биле многу охрабрувачки, бидејќи самиот играч јасно го изразил своето желба да премине во тимот.
Од семејна традиција до модерен бренд ↓↓↓
Тој е поставен како цел број еден за позицијата зад напаѓачот од сегашниот менаџер на тимот Рубен Аморим во обид за сериозно освежување на составот во претстојниот трансфер прозорец.
На овој начин од Манчестер Јунајтед се обидуваат децидно да ја претекнат конкуренцијата и да го завршат договорот, бидејќи интерес за Куња имаше и од Њукасл, Арсенал и други клубови во Премиер лигата. Други извори на информации дополнуваат дека од „Олд Трафорд“ се подготвени да ја платат откупната клаузула на играчот од 62 милиони фунти, но сакаат тоа да се направи на рати, за што ќе им биде потребно согласноста од раководството на Вулверхемптон. Од „Молине“ се склони на таква опција, но допрва треба да се уточнат деталите околу ваков договор.
Учество во игри на среќа е дозволено за лица со 18+ години. Играј одговорно!