Oткриено зошто Гвардиола во 2016 година го напушти Баерн

Шпанскиот стратег Пеп Гвардиола потпиша нов договор со Манчестер Сити и ќе биде во клубот до летото 2023 година.

Иако се шпекулираше дека Гвардиола би можел да го напушти Сити тоа не се случи. Пеп потпиша нов договор со „граѓаните“, а шпанскиот новинар и автор на биографијата на Гвардиола, Гилијам Балаг откри зошто Гвардиола во 2016 го напушти Баерн.

„Тој во Сити се чувствува добро, опкружен е со луѓе во кои верува. Ги контролира спортските одлуки и среќен е што не излегуваат работи од соблекувалната, а такви работи му се случуваа во Баерн и Барселона“.

„После секој натпревар на Баерн мораше да им објаснува на шефовите како екипата играла и зошто одлучил да игра на таков начин. Поради тоа неколку месеци претходно се знаеше дека нема да остане во Баерн“, изјави шпанскиот новинар.