Oд кога е Спалети во Интер најдобро што знае е – како се победува Милан!

Статистиката оди во негов прилог.

Интер во изминатиот викенд успеа да забележи важна победа над Милан во градското дерби „Дела Мадонина“.

Така „нероаѕурите“ успеаа да ја свртат ситуацијата во своја корист и сега се поблиску до пласман во Лигата на шампионите, иако во еден момент се изгледаше поинаку.

Тренерот на Интер, Лучијано Спалети често пати беше оспоруван за својата работа во Интер, но едно мора да му се признае – знае како да се победува Милан.

Италијанецот од летото 2017 година со градскиот ривал се сретна пет пати и само еднаш изгуби и тоа во натпреварот од Купот на Италија минатата сезона. Освен тој пораз „Нероаѕурите“ имаат и едно реми без голови, а на три натпревари ги освојуваа трите бода.