Oбложувалниците го избраа фаворитот за наредната „Златна топка“

Лионел Меси ја доби „Златната топка“ за 2023 година, а обложувалниците веќе ги подготвија коефициентите за фаворитите за наредната година.

Според коефициентите во овој момент прв фаворит е фудбалерот на Реал Мадрид Џуд Белингем. Белингем оваа година ја доби наградата за најдобар млад фудбалер, а за да ја освои „Златната топка“ наредната година коефициентот изнесува 4.00.

Зад Белингем следи Мбапе со коефициент 5.00, додека на третото место е Халанд со 5.50.

Хари Кејн од Баерн е четврти со 7.00, додека Лионел Меси е на петтото место со 8.00. Од другите фаворити тука се Де Брујн и Винисиус со 21.00, Кристијано Роналдо со 26.00, како и Салах…Последен на листата е Левандовски со 34.00.