Мбапе ослабел 4-5 кг, но сега е добро

Килијан Мбапе драстично ослабел 4-5 кг поради вирусот кој го накосини неодамна и дури го смести во болница, информира “Марка”.

Поради тоа напаѓачот на Реал Мадрид го пропушти почетокот на учеството на тимот на Светското клупско првенство.

Според лекарите, францускиот голгетер ја добил инфекцијата уште пред заминувањето на тимот во САД за турнирот.

Меѓутоа, самиот Мбапе сподели дека веќе се опоравил. Тој објави своја слика од фитнесот со текст “Назад на работа”.

Реал е лидер во групата “Н” и му преостанува уште еден натпревар од оваа фаза – против РБ Залцбург во 04:00 часот по македонско време во ноќта помеѓу четврток и петок.