Тренерот на Баерн, Винсент Компани, одржа прес-конференција пред следниот натпревар на неговиот тим против Мајнц во 31. коло на Бундеслигата. Баерн е убедливо водечки тим во германското првенство со осум бода предност пред второпласираниот Леверкузен. Веќе пред неколку дена тренерот Чаби Алонсо изјави дека малку е веројатно Леверкузен да го престигне Баерн во завршницата на сезоната.
На прес-конференцијата германските новинари констатираа дека ова на Белгиецот ќе му биде првата освоена титула во тренерската кариера, на што Компани одговори: “Ова е неверојатно, веќе втор пат во оваа недела некој ми вели дека ова би ми бил првиот трофеј како тренер. Веќе го освоив со Барнли. Да, тоа беше промоција, но завршивме први на табелата, што значи дека освоивме титула. Но добро, тогаш парадата во Барнли веројатно беше залудна.”
Street Workout Macedonia – Движење што гради сила, карактер и издржливост | Уште еден поткаст
Да потсетиме, Компани со Барнли во сезоната 2022/23 го освои Чемпионшипот и обезбеди промоција во Премиер лигата. Таму следната сезона Барнли заврши 19-ти, но сепак Белгиецот на лето доби работа во Баерн.
Фото: FC Bayern München/X
Учество во игри на среќа е дозволено за лица со 18+ години. Играј одговорно!