Нови детали за грабежот во куќата на Дончиќ

Лука Дончиќ е последната голема спортска ѕвезда чиј дом беше ограбен, потврдува полицијата во Далас.

Според информациите на менаџерот на Дончиќ, кражбата во домот на ѕвездата на Далас се случила во петок вечерта.

– Никој не беше дома во тој момент и за среќа, Лука и неговото семејство се безбедни, изјавила Лара Бет Сегер, деловната менаџерка на Дончиќ.

– Лука поднесе пријава до полицијата, а истрагата е во тек.

Според полицискиот извештај кој го објави Далас Морнинг Њуз, украдени се околу 30,000 долари во накит. Полицискиот извештај исто така наведува дека некој го скршил прозорецот во главната бања од куќата на Дончиќ, а грабежот се случил помеѓу 17:00 и 21:00 часот. Приватното обезбедување ја следело резиденцијата.