Нови детали: Антонио бил заглавен 45 минути во возилото, интервенирале и пожарникари

Фудбалерот на Вест Хем, Мајкл Антонио, доживеа сериозна сообраќајна несреќа во која претрпе повреди, но за среќа, неговата здравствена состојба е стабилна. По инцидентот, тој бил итно пренесен во болница, каде што лекарите продолжуваат внимателно да ја следат неговата состојба.

Според извештаите на „Дејли Мејл“, Антонио бил заглавен во целосно уништеното „Ферари“ цели 45 минути, додека пожарникарите не успеале да го ослободат од возилото.

Од Вест Хем издадоа официјално соопштение, потврдувајќи дека фудбалерот е во стабилна состојба, но ќе остане под медицински надзор додека не се утврди дека може безбедно да биде пуштен од болница. Клубот, исто така, ги замоли медиумите и јавноста да ја почитуваат приватноста на семејството на Антонио во овој тежок момент.