Фудбалерот на Тотенхем Дејан Кулушевски нема да игра во финалето на Лига Европа против Манчестер Јунајтед, затоа што се повреди за викендот против Кристал Палас во натпревар од Премиер лигата и подлегна на операција на коленото.
Ова е голем удар за Тотенхем, со оглед на тоа дека Кулушевски беше еден од клучните играчи во текот на сезоната.
Менаџерот Анге Постекоглу веќе не може да смета ни на другиот клучен креативец на тимот, Џејмс Медисон, кој исто така има повреда на коленото, а под знак прашалник е и најдобриот играч на екипата, Кореанецот Сон. Уште еден играч од средниот ред, Лукас Бергвал, веројатно нема да игра до крајот на сезоната поради повреда на зглобот.
Останатите опции во средниот ред се Родриго Бентанкур, Иван Бисума, Пап Сара и Арчи Греј.
Кулушевски пропушти повеќе од шест недели порано во сезоната поради повреда на зглобот, но изгледаше дека се враќа во форма во полуфиналето против Бодо Глимт и во воведните минути од натпреварот против Палас.
Финалето на Лига Европа се игра за шест дена во Билбао. Победникот ќе добие покрај европскиот трофеј и награда во вид на пласман во Лига на шампионите.
Фото: Принтскрин
Учество во игри на среќа е дозволено за лица со 18+ години. Играј одговорно!