Ноќ на рекорди во Формула 1: Италијанецот Антонели приреди сензација и испиша историја!

Младиот италијански возач во Формула 1 Кими Антонели испиша историја, станувајќи најмладиот кој некогаш освоил пол-позиција.

Италијанецот направи вистинска сензација во рамки на квалификациите за втората спринт трка сезонава која се вози како дел од Големата награда на Мајамија.

Со одличен круг од 1:26,482 Антонели ја постигна пол-позицијата на неполни 19 години, што никому досега не му успеало, броејќи Гран При или спринт трки.

Победи пред Оскар Пиастри и Ландо Норис. Единствениот кој два пати излезе на патеката беше Макс Верстапен, кој имаше најдобро време до самиот крај на квалификациите, но на крајот го претекнаа тројца возачи.

Kimi Antonelli. The youngest ever pole sitter of any format! 👏#F1 #F1Sprint #MiamiGP pic.twitter.com/tImg5ucrOC

— Formula 1 (@F1) May 2, 2025

Зад водечката тројка и Верстапен на четвртото место заврши Џорџ Расел во Мерцедесот. Шестото време го имаше возачот на Ферари, Шарл Леклер пред Луис Хамилтон.

Спринтот за Големата награда на Мајами ќе се вози вечерва од 18 часот, а потоа викендот продолжува со квалификации.

Making it look effortless! 💨

Let’s take in Kimi Antonelli’s fastest time from SQ3 in Miami 👇#F1 #F1Sprint #MiamiGP pic.twitter.com/YjkJoGxEqv

— Formula 1 (@F1) May 3, 2025

Неделната трка започнува утре во 22 часот.

Фото: Formula 1/X