Неславната епизода на Кристофер Нкунку во Лондон наскоро може да заврши.ј.
Според бројни извори, Французинот ги договорил сите лични услови и чека зелено светло да се приклучи на – Баерн Минхен!
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Нкунку не е во прв план кај Енцо Мареска, затоа што за Италијанецот тандемот Кол Палмер – Николас Џексон е незаменлив и Французинот сака да го напушти “Стамфорд Бриџ”.
Тој веќе ги договорил личните услови со Баерн, кој исто така сака веднаш да го откупи, па за сега позајмицата е откажана како опција.
Сепак, потребно е Челси да се согласи да го продаде по разумна цена, која за сега не е позната.
Нкунку дојде во Челси токму од Германија, од РБ Лајпциг, летото 2023 година за дури 60 милиони евра. Но, во првата сезона доживеа тешка повреда, а оваа сезона не играше многу во клучните натпревари.
Французинот претежно играше во Конференциската лига, како и во ФА купот и Лига купот, постигна 13 голови, но од нив само два во Премиер лигата.
Се шпекулира дека Челси во спротивниот правец би можел да го добие Матис Тел, но наводно Баерн работи на тоа да ги одвои овие два трансфера.
Учество во игри на среќа е дозволено за лица со 18+ години. Играј одговорно!