Ништо од Ѓекереш: Арсенал има нова идеја – ќе доведе напаѓач кој постигнал помалку голови!

Виктор Ѓокереш ова лето е најпосакуваниот напаѓач на глобалната сцена.

Извонредниот шведски фудбалер во дресот на Спортинг Лисабон ја заврши сезоната со неверојатни 54 погодоци во 52 натпревари, додека воедно оствари и 13 асистенции низ сите натпреварувања, што го прави неговиот потпис многу посакуван, но и скап.

Иако се шпекулираше дека 26-годишниот напаѓач би можел да се пресели во Лондон носејќи го дресот на Арсенал или Челси, изгледа дека тоа нема да се случи.

Добро информираниот германски новинар Флоријан Плетенберг извести дека Арсенал е во преговори со Лајпциг за потписот на Бенџамин Шешко.

Од сезона во сезона е јасно дека Микел Артета има потреба од напаѓач од светска класа, а еден од водечките стрелци во Германија има потенцијал да биде вистински адут за „топџиите“.

Сличен проблем има и Челси, но „сините“ најдоа интересно решение, со потпишување на Лијам Делап (22) кој се истакна со одлична игра во Ипсвич.

Делап, чие татко беше легенда на Стоук Рори и полазник на младинската школа на Манчестер сити, постигаше 12 гола за тимот кој испадна од Премиер лигата, па Челси реши да ја плати клаузулата од 30 милиони фунти за неговиот трансфер.

Така, изборот на Ѓокереш се стеснува, но со сегашната статистика тој навистина може да избере каде ќе ја продолжи својата кариера…