Нејмар се жали на топките со кои се играат натпреварите во Бразил

Напаѓачот на Сантос, Нејмар, изрази незадоволство од топките со кои се играат натпреварите во бразилското првенство, откако неговиот тим ја загуби средбата од 9-тиот круг на Лига Паулиста против Коринтианс (1:2).

“Со целосно почитување кон спонзорот, мислам дека треба малку да поработат на оваа топка. Оваа топка е многу лоша и треба малку да се подобри за да му помогне на нашето првенство,” изјави Нејмар.

Фудбалерот започна во првиот состав и играше 68 минути, но не успеа да се запише во листата на стрелците.

Ѕвездата премина во Сантос за време на овој зимски трансфер период. Договорот на играчот со клубот е до крајот на сегашната сезона.