Нејмар се враќа по 17 месеци во бразилската репрезентација

Селекторот на бразилската фудбалска репрезентација, Доривал Жуниор, го претстави списокот на фудбалери на кои ќе смета за претстојните натпревари.

Составот на Бразил ќе биде исклучително силен во следниот собир, каде главни имиња ќе бидат Винисиус Жуниор, Родриго, Рафиња, а по пауза од 17 месеци се враќа и Нејмар.

Во претстојните квалификациски натпревари за Светското првенство, ќе се соочат со Колумбија и Аргентина. Вториот натпревар ќе биде можност за пресметка меѓу Нејмар и Лионел Меси.

Во досегашните 12 натпревари, Бразил освои 18 бодови, Колумбија има 19 бодови, додека врвот го држи Аргентина со 25 бодови.