Незапамтена шлаканица за Лука Модриќ од соблекувалната на Реал Мадрид

Јавноста во Мадрид тешко го прифати срамот на Реал против Арсенал (3:0) во првиот дуел од четвртфиналето на Лигата на шампионите, па се говори за бројни недостатоци во тимот. Сега одредени медиуми јасно го напаѓаат Лука Модриќ и тврдат дека соблекувалната нема вистински лидер.

Лука Модриќ е именуван за капитен на Реал. Одлуката да му се додели капитенската лента е донесена по заминувањето на Начо Фернандез, а прв заменик стана Дани Карвахал.

Модриќ и Карвахал се играчите со најдолг стаж во првиот тим и тука многу дилеми немаше, но „Релево“ наведува дека проблемот во соблекувалната е всушност фактот дека Лука не е вистински лидер.

„Извори од Валдебебас велат дека на соблекувалната ѝ недостасуваат лидери какви што имаше минатата сезона. Дани Карвахал е отсутен поради повреда, а заминаа Тони Крос и Начо“, наведува „Релево“.

Фото: Реал Мадрид/ФБ