ЈАНИК СИНЕР триумфираше на Мастерс турнирот во Индијан Велс, победувајќи го во финалето Данил Медведев со резултат 7:6(6), 7:6(4). Овој успех претставува прв триумф на Синер, кој е втор на светската ранг листа и четирикратен освојувач на Гренд Слем, на овој престижен турнир, кој поради својата важност се нарекува “Петтиот Гренд Слем”. Финалната пресметка беше исклучително неизвесен, траејќи 118 минути без ниту еден направен брејк. Синер имаше две брејк шанси, додека Медведев ниту една.
Во првиот сет, Синер го имаше водството. Иако не ги искористи шансите за одвојување, имаше единствените две можности за брејк при резултат 3:3, но Медведев, 11-ти на светската листа, го зачува својот сервис. Сепак, Синер успеа во тајбрекот со искористување на втората сет топка и направи мини-брејк за предност од 1:0 во сетовите.
Street Workout Macedonia – Движење што гради сила, карактер и издржливост | Уште еден поткаст
Медведев не се предаде, па и вториот сет отиде во тајбрек. Таму Русинот загуби, испуштајќи предност. Поведе со два мини-брејка 4:0, и се чинеше дека победникот ќе се одлучува во третиот сет. Но, Синер успеа да освои следните седум поени и да победи. Како тоа го направи, погледнете ОВДЕ.
Синер стана првиот тенисер кој успеал да освои два Мастерс турнири последователно без изгубен сет. Со победата на Индијан Велс, тој заработи 1,1 милион долари, а Медведев доби награда од 612 илјади долари.
Учество во игри на среќа е дозволено за лица со 18+ години. Играј одговорно!