Неверојатна голеада во Лигата на шампионите: Ова не се случило 60 години!

Оваа година осминафиналните натпревари беа не само возбудливи, туку и историски од статистичка гледна точка. Гледачите можеа да уживаат во бројни пресврти и доминантни настапи, при што пет од осум дуели беа решени со три или повеќе гола разлика. Во три од тие дуели разликата достигна пет или повеќе голови, при што особено се издвојува тимот на Баерн кој ја декласира Аталанта со вкупен резултат од 10-2.

Ова е третата најефикасна осминафинална фаза во историјата на Купот на шампионите и Лигата на шампионите. Со постигнати 68 голови во 16 одиграни натпревари, просекот достигна неверојатни четири гола по натпревар. Повеќе голови беа постигнати само во сезоната 1955/56 (71) и рекордната сезона 1959/60 (74). Интересно е што во двете историски сезони шампион беше Реал Мадрид, што за некои може да биде добар знак за мадридскиот тим, под услов да го преживее судирот со Баерн.

Иако во двојните дуели меѓу Аталанта и Баерн и Тотенхем и Атлетико Мадрид беа постигнати дури 12 голови, тоа сепак не беше доволно за изедначување на рекордот на голови во еден дуел од Лигата на шампионите. За да се изедначи рекордот, требаше 13-ти гол, што беше достигнато во три други двомеча: осминафиналето Баерн – Спортинг во 2009 (12:1) и полуфиналињата Ливерпул – Рома во 2018 (7:6) и Интер – Барселона 2025 (7-6).

Доколку во четвртфиналето продолжи овој ритам од четири голови по натпревар, пред нас е една од најнезаборавните пролетни фази во историјата на Лигата на шампионите.