Додека светот на фудбалот чека да види кого ќе донесе Антонио Контe во Наполи како замена за Хвича Кварацхелија на позицијата на крилен напаѓач, тој веќе го завршува огромното дефанзивно засилување за моменталниот лидер на Серија А.
Пјетро Комучо, стопер на Фиорентина кој има само 19 години, оваа сезона во италијанскиот шампионат привлекува внимание. Импресивен е во дуелите, доминира во играта со глава, сигурен и смирен е во додавањата.
Совети од нутриционист: Вистината за исхраната! Што е најдобро за вашето здравје? ↓↓↓
Поради тоа есенва го повикаа во сениорската репрезентација на Италија од страна на селекторот Лучано Спалети, а сега е на чекор од премин во Наполи.
Италијанските извори информираат дека Наполи е блиску до довоѓање на Комучо до крајот на зимскиот трансфер период. Модалитетот на ангажман е позајмица до крајот на сезоната, со 5,000,000 евра надомест на Фиорентина.
Потоа Наполи има обврска да го купи за 20 милиони евра фиксно, плус пет милиони евра низ бонуси.
Наполи е на првото место во Серија А има 53 бода од 22 натпревара, што е три повеќе од Интер.
Учество во игри на среќа е дозволено за лица со 18+ години. Играј одговорно!