Нема пари за Ѓокереш: Артета ќе се „теши“ со напаѓач од Серија А

Арсенал бара засилување во нападот пред следната сезона, и тимот од Лондон повторно ги започна преговорите за Лукман од Аталанта.

Почетните разговори веќе беа водени уште во август 2024 година, а Ливерпул исто така беше заинтересиран за нигерискиот репрезентативец роден во Англија.

Сега, 10 месеци подоцна, изгледа дека 27-годишникот повторно се најде на радарот за трансфер во Премиер лигата по уште една импресивна сезона во Бергамо.

Аталанта го проценува Лукман на околу 45-50 милиони евра плус бонуси, а поранешниот играч на Чарлтон, Евертон и Фулам смета дека доволно се докажа во Италија за да заслужи уште една шанса во Премиер лигата.

Оваа сезона постигна 20 голови и направи седум асистенции во 40 натпревари за Аталанта.

Фото: Принтскрин