Навивачите веќе се огорчени: Се подготвува договор што целосно ја менува традицијата на Формула 1

Откако беше потврдено враќањето на Големата награда на Португалија за сезоните 2027. и 2028., сè погласни се информациите дека Барселона исто така може да го задржи своето место во календарот на Формула 1.

Според пишувањата на каталонскиот весник „Ла Вангуардиа“, патеката „Каталуња“ е многу блиску до принципиелен договор со Formula One Management.

Планот е Барселона да биде домаќин на трки во 2028., 2030. и 2032. година, според систем на ротација со легендарната патека Спа.

Иако договорот сè уште не е официјално потпишан, овој модел би овозможил Барселона да остане дел од “најбрзиот циркус”, но повеќе не на годишна основа.

Таквиот договор би означил крај на низата од дури 36 последователни сезони во кои Барселона беше постојан домаќин на Формула 1.

Истовремено, тоа би го продолжило вкупното присуство на оваа патека во F1 на најмалку 42 изданија, што е податок што дополнително говори за нејзиното историско значење.

Каталонскиот министер за трговија и труд Микел Сампер потврди дека преговорите се во напредна фаза, но нагласи дека сè уште нема простор за славје.

“Преговорите добро напредуваат, но сè уште ништо не е потпишано,” рече Сампер.

Додаде дека доверливоста на процесот е сè уште клучна, што сугерира дека конечните детали сè уште се усогласуваат.

Според информациите на La Vanguardia, годишните трошоци за организација на трката би изнесувале околу 28 милиони евра.