Натпревар со неверојатни безбедносни мерки: Франција во „бункер“ ќе го пречека Израел

Натпревар од висок ризик и дуел од кој стравува Европа ќе се одигра вечерва на стадионот „Сент Дени“ во Париз, а тоа е пресметката меѓу Франција и Израел во петтото коло од Лигата на нации.

По неодамнешните немири во кои дојде до тепачка на мечот во Амстердам меѓу локалните жители и гостинските навивачи на Макаби Тел Авив, Французите вечерва ќе го пречекаат Израел под посебна грижа и невидени безбедносни мерки.

Организаторите на натпреварот можеа да го направат тоа без присуство на гостински навивачи, со што ќе се намалат шансите за можни нереди, но решија да дозволат мала група Израелци да биде присутна на трибините. Според последните информации, на „Сент Дени“ ќе има приближно 200 израелски навивачи.

Hoy se disputa el Francia-Israel a las 20:45. Apenas se han vendido 14.000 entradas de las 80.000 disponibles. El partido registrará un mínimo histórico. Las autoridades ya han instalado rejillas a pie de campo para evitar que espontáneos boicoteen el partido (RMC Sport). pic.twitter.com/bVQi5bvU1e

— Andrés Onrubia Ramos (@AndiOnrubia) November 14, 2024

За разлика од тоа, натпреварот ќе го обезбедуваат неверојатни 4.000 полицајци. Припадниците на полицијата и жандармеријата не само што ќе ги обезбедуваат гостинските навивачи во транспортот и околу стадионот, туку ќе бидат присутни и внатре во објектот.

Работите се подигнати на невидено ниво на безбедност, па стадионот „Сен Дени“ ќе биде претворен во вистински бункер, се за да се спречат можни напади врз Израелците. Французите дури се согласија да го намалат бројот на гледачи и на трибините ќе има помалку од 20.000 навивачи, што е за толку голем стадион (капацитет 80.000 седишта).

Како што пренесува најугледниот италијански весник Газета дело Спорт, Французите се согласиле да загубат милиони за да го организираат овој натпревар. „Газета“ наведува дека загубите на Французите ќе бидат 3,5 милиони евра, што се пари што ќе ги издвои Француската фудбалска федерација (ФФФ).