Најдобриот резервен голман во Премиер лигата ќе ја промени иднината на мал амтерски клуб

Ливерпул го потврди трансферот на голманот Каоимин Келехер (26) во Брентфорд по цена со бонуси од 18 милиони фунти, што е околу 21 милион евра. Сепак, Ливерпул нема да ги задржи сите средства, бидејќи 20 проценти од таа сума ќе му припаднат на клубот од каде што дојде Келехер.

Клубот од кој Келехер се пресели во Ливерпул е Рингмахон Ренџерс, ирски третолигаш. Во Ирска, фудбалот не е развиен како во Шкотска и особено Англија, така што за аматерскиот клуб Рингмахон, овие 20 проценти претставуваат огромна сума. Околу три милиони евра ќе добијат, а ако бонусите од трансферот се остварат целосно, приходот би можел да ги надмине и четири милиони евра.

Британските медиуми потсетуваат дека Рингмахон го продаде Келехер на Ливерпул за само 15.000 евра, додека од бонуси, вклучувајќи и настапи за репрезентацијата на Ирска, остварија дополнителни 150.000 евра. Тоа веќе беше значаен извор на средства за овој клуб, а ирските медиуми сега пишуваат дека овој трансфер „финансиски ќе го обезбеди клубот на децении“.

Келехер го напушти Рингмахон и се приклучи на Ливерпул како 17-годишник, каде што беше во изминатите десет години. Во најново време, беше резервен голман зад Алисон и собра 67 настапи за клубот, додека за репрезентацијата на Ирска настапил 22 пати.

Келехер веќе порано изрази желба да замине од клубот со надеж дека ќе стане прв голман. Ливерпул оваа сезона му ја оствари желбата, водејќи сметка за тоа што со Алисон ќе имаат на располагање и Џорџи Мамардашвили, кој беше купен од Валенсија за 30 милиони евра.