На трибините во полуфиналето од Лигата на шампионите се појави и фудбалерот кој рано се пензионираше

ПСЖ синоќа во Лондон го совлада Арсенал со 1:0 и со тоа направи голем чекор кон пласман во финалето на Лигата на шампионите.

Голот за победа го постигна Усман Дембеле во 4. минута од натпреварот, а ПСЖ до крајот на натпреварот пропушти неколку шанси да стигне до поубедлива победа.

На „Емирати“т, ПСЖ го бодреа голем број навивачи, а меѓу нив беше забележан и Хавиер Пасторе.

Поранешниот аргентински фудбалер играше за ПСЖ од 2011 до 2018 година и остави длабока трага во клубот од Париз, а беше еден од клучните играчи кои учествуваа во неговиот вртоглав развој.

Пасторе рано се прости од фудбалот, а денес има 35 години.