На повидок промени во Лондон: Највредниот стопер на Тотенхем пред заминување?

Лука Вушковиќ (18) летово ќе стане и официјално нов играч на Тотенхем во трансфер од Хајдук вреден 11 милиони евра. Трансферот беше договорен пред повеќе од една година, а Вушковиќ во меѓувреме блесна на позајмици во полски Радомијак и сега во белгиски Вестерло.

Во Тотенхем, како што изгледа, може веднаш да се отвори простор за Вушковиќ да се избори за минутажа. Шпанскиот инсајдер Матео Морето објави дека Атлетико Мадрид ова лето сака да го доведе Кристијан Ромеро, највредниот стопер на Тотенхем.

Морето наведува дека воспоставени се контакти меѓу Атлетико и Ромеро и дека аргентинскиот стопер е подготвен да даде сè од себе за да се реализира трансферот. Меѓутоа, Атлетико ќе мора да вложи сериозни пари, со оглед на тоа што Ромеро има уште две години договор со Тотенхем и дека му е проценета вредноста на 55 милиони евра според Трансфермаркт.

Ромеро и Мики ван де Вен од минатата сезона се ударниот стоперски тандем на Тотенхем, но оваа година двајцата ги мачат повреди и тоа се одразува на резултатите. Иако е втор по бројот на постигнати голови (55), Тотенхем е само на 14. место во Премиер лигата. Пропусната одбрана со 43 примени голови е една од главните причини за слабите резултати.

Во Тотенхем, како стопери оваа сезона, најчесто играа Романецот Раду Драгушин и 19-годишниот Арчи Греј. Минутажа имаше и искусниот Бен Дејвис, како и Кевин Дансо, кој пристигна во зимскиот преоден рок од Ленс.