Најмар се враќа во Барса?

Најмар минатиот месец го раскина договорот со саудискиот Ал Хилал и се врати во Сантос.

Тоа се покажа како одличен потег за Бразилецот, кој веднаш во татковината се врати во форма. Досега за Сантос има одиграно пет натпревари, а моменталниот учинок му е два гола и три асистенции.

Сантос во тие пет кола на Паулиста оствари две победи, две нерешени и еден пораз. Бразилските медиуми потврдија дека неговиот договор трае до јуни, по што би можел повторно да го напушти Сантос.

Целта на Најмар е да најде ангажман во Европа. Кадена СЕР пишува дека неговата желба е да се врати во Барселона, која бара дополнителни опции во нападот. Кадена тврди дека Барселона би можела да го земе познатиот Бразилец ако игра на врвно ниво.

Најмар ја започна кариерата во Сантос во 2009 година, со 17 години. Постигна 136 гола и 64 асистенции во 225 натпревари за да му помогне на клубот во 2011 година да го освои Копа Либертадорес по речиси 50 години.

Се придружи на Барселона во 2013 година. Премина во ПСЖ за светски рекорд од 222 милиони евра во август 2017 година пред да се приклучи на Ал-Хилал за отштета од 90 милиони евра.