Mитревски: Во следните натпревари немаме што да загубиме

Голманот Никола Митревски е еден од поискусните играчи во нашата репрезентација.

Митревски беше еден најважните играчи во нашиот состав, блескаше на голот и помогна Македонија да дојде до важната победа која не однесе во вториот круг од Светското првенство.

„Дојдовме до таа победа која ја планиравме и која ни беше примарна цел. Ја исполнивме целта и се пласиравме во вториот круг каде што ќе играме уште три натпревари со силни селекции, се надевам дека ќе прикажеме добра игра и ќе бидеме на нивото. Во сите натпревари кои следат немаме што да загубиме, мораме да влеземе растеретени со желба за докажување. Ние да одиграме добро, а резултатот ќе дојде. Прв противник ќе ни биде Словенија, видовме дека изгубија од Русија, сигурно дека и тие имаат проблеми“, изјави Митревски.

Вториот круг Македонија го започнува утре, од 15:30 часот, а противник ќе ни биде Словенија.