Фудбалерот на Челси и украински репрезентативец Михајло Мудрик (23) падна на допинг-тестот, потврди англискиот клуб. Украинецот е суспендиран на неопределен период, додека не се утврдат околностите и деталите. Мудрик направи и „Б“ примерок и сега чека втора анализа.
Падна на допинг-тестот уште во октомври и не играл од 27 октомври што Челси последните неколку натпревари го оправдуваше со болест. Всушност, Мудрик ги чекаше новите резултати. Ако и тие се покажат позитивни, пред него ќе бидат многу тешки денови. Според правилникот на УЕФА, му се заканува и максимална казна од четири години суспензија што би значело дека нема да го гледаме на теренот до 2029 година.
Street Workout Macedonia – Движење што гради сила, карактер и издржливост | Уште еден поткаст
Мудрик брзо по официјалната потврда се огласи и изјави: „Можам да потврдам дека бев информиран дека примерокот кој го дадов на ФА содржел забранета супстанца. Ова е комплетен шок затоа што никогаш свесно не сум користел забранети супстанции ниту сум нарушил правила и внимателно соработувам со мојот тим за да истражиме како тоа можело да се случи.
Знам дека не направив ништо погрешно и се надевам дека наскоро ќе се вратам на теренот. Не можам повеќе да зборувам сега поради доверливоста на процесот, но ќе го направам тоа штом ќе можам“, заклучи Украинецот.
Учество во игри на среќа е дозволено за лица со 18+ години. Играј одговорно!