Фудбалерите на Реал Мадрид после подобро изведување пенали синоќа го елиминираа Атлетико Мадрид во осминафиналето на Лигата на шампионите, а голема полемика настана откако судијата Шимон Марчинјак го поништи погодокот на Јулијан Алварез во втората серија.
Алварез го совлада Тибо Куртоа и израмни на 2:2 во серијата на пенали, но потоа од ВАР собата го контактираа Марчинјак, кој на крајот го поништи погодокот, а веднаш потоа Федерико Валверде го доведе Реал во предност со резултат 3:2.
Квалификации за ЕП во ракомет: Македонија спремна, Словенија може да падне! ↓↓↓
Многумина гледачи преку телевизиските екрани, како и сите оние на стадионот, останаа во чудење зошто Полјакот одлучи да го поништи голот на Алварез кој на прв поглед изгледаше сосема исправен.
Имено, Аргентинецот при шутот со двете нозе ја допре топката. Точнее, со десната нога шутна, а топката го закачи врвот на неговата лева копачка.
Иако тој контакт беше невидлив на око, во ВАР собата го забележаа на успорената снимка, и Томаш Квиатковски му сугерираше на Марчинјак да го поништи, и тој на крајот ги следеше правилата и прогласи погодокот за неважечки.
На крајот, Реал на пенали славеше со 4:2 и се пласираше во четвртфиналето, каде што ќе игра против Арсенал.
Учество во игри на среќа е дозволено за лица со 18+ години. Играј одговорно!