Младите фудбалерки поразени д БиХ

Женската репрезентација на Македонија до 19 година беше поразена со 4:2 од соодветната селекција на Босна и Херцеговина во рамките на првиот натпревар одигран помеѓу овие две селекции на тренинг центарот „Петар Милошевски” во Скопје.

Во 19. минута Уна Ранкиќ погоди за предност на Босна и Херцеговина. Нина Гарибија во 33. минута ја зголеми предноста. Две минути подоцна Таснем Џинџаревиќ погоди за убедливи 3:0.

Во продолжението од натпреварот, Јована Павловска во 64. минута погоди за намалување на предноста, но Јована Лана Новаковиќ веќе во следната минута го постигна четвртиот погодок за Босна и Херцеговина. Јована Павловска во 78. минута го постигна вториот погодок на денешната средба за конечни 4:2.

Македонија: Ведрана Комненова, Емилија Блажевска, Слаѓана Ѓоргиева, Јована Павловска, Јехона Велиу, Ива Јосифова, Михаела Додевска, Васка Василева, Ева Конева, Кристина Крстева, Мелиса Димитриоски;