Милан повторно му ја покажа вратата на Тео Ернандес, Арапите веќе приготвија милиони за него.

Денешниот состанок помеѓу Милан и фудбалскиот агент Мануел Килон не донесе никаква промена во ситуацијата со Тео Ернандес, и сè укажува на тоа дека левиот бек навистина ќе го напушти „Сан Сиро“ ова лето, според италијанските медиуми.

Според информациите, на состанокот Килон побарал плата од 7-8 милиони евра по сезона за својот клиент за да се обнови договорот на Ернандес, кој трае до летото 2026 година. Тоа би значело двојно зголемување на сегашната плата на францускиот репрезентативец, која е 4 милиони евра годишно.

Новоспортивниот директор на Милан, Игли Таре, јасно изјавил дека клубот нема да ги прифати овие услови, како и дека играчот треба да си бара нов тим во наредните недели.

Веќе е познат еден кандидат за неговиот потпис, а тоа е саудискиот Ал-Хилал. Се смета дека од таму се подготвени да му понудат на Ернандес плата од 18 милиони евра по сезона. Преференцијата на 27-годишниот фудбалер е да остане во Европа, но засега недостига доволен сериозен интерес од кој било врвен клуб од Стариот континент. Иако дефанзивецот сè уште не ја дал својата согласност за таков трансфер, Милан веќе води преговори со Арапите за потенцијална зделка.