Меншик со емотивни зборови кон Ѓоковиќ: Почнав да играм тенис поради тебе

Чешкиот тенисер Јакуб Меншик го освои мастерсот во Мајами откако во финалето го совлада Новак Ѓоковиќ во два сета (7:6, 7:6).

Феноменалната изведба на младиот Чех против својот идол му донесе прва мастерс титула во кариерата, додека Новак на 100-тиот јубилеј ќе мора да почека.

Меншик воопшто не се занесе во најголемата победа во кариерата. Напротив, голем дел од своето обраќање го посвети токму на Ѓоковиќ за кого рече дека е „најголемиот на сите времиња“.

„Новак, сите знаат дека си ти причината зошто сум овде. Те гледав додека растев. Почнав да играм тенис поради тебе. Не постои потежок предизвик за тенисер од тоа да те победи во финалето на турнир. Ти благодарам за сѐ што направи за овој спорт и за секој од нас. Ти си неверојатна личност – најголемиот на сите времиња“, кажа Меншик.