Поранешната ѕвезда на Барселона, Гаизка Мендиета, смета дека легендарниот дефанзивец Серхио Рамос би можел да биде интересна опција за велшкиот Врексам, откако 39-годишникот го напушти мексиканскиот Монтереј. Рамос, кој со екипата на Реал Мадрид освои четири титули од Лигата на шампионите и пет шпански првенства, сега е слободен агент, а Мендиета објасни зашто проектот во сопственост на холивудските ѕвезди Рајан Рејнолдс и Роб Мекеленени би можел да го привлече.
При разговорите за потенцијалната дестинација на поранешниот шпански репрезентативец, Мендиета го истакна Врексам како клуб чија приказна одекнува низ светот. „Врексам е голема и инспиративна приказна, го следевме дури и тука во Шпанија — тоа е романтична и глобална приказна. Да се има шпански играч таму би било уникатно, гледаме како тимовите потпишуваат играчи од различни земји, како Јапонија и други, за да создадат пазар таму“, изјави за Boyle Sports.
До кога ќе дишеме отровен воздух!? | Уште еден поткаст
„Убеден сум дека Врексам го разгледал ова, би било фантастично да видиме шпански играч таму, а зошто да не Серхио Рамос? Се зборува дека сака да ја купи Севиља, но тој е слободен играч и се уште има желба да игра, па зошто да не. Тоа е опција“, додаде Мендиета.
Учество во игри на среќа е дозволено за лица со 18+ години. Играј одговорно!