Младата ракометна репрезентација на Македонија конечно им се израдува на првите бодови на Светското првенство, откако во рамки на Президент купот убедливо ја совлада селекцијата на Мексико со 41-21, во меч од разигрувањето за пласман од 17. до 32. место.
Иако Мексиканците го отворија натпреварот со водство од 1-0, тоа беше единствениот момент во кој имаа предност. Избраниците на селекторот Раде Стојановиќ веднаш го презедоа контролата, го наметнаа својот ритам и уште во првото полувреме покажаа кој ќе биде победник – на пауза се замина со високи 21-9.
Како екраните влијаат на детскиот развој? Разговор со дефектолог
Доминацијата продолжи и по враќањето на теренот. Нашите младинци не ја намалија концентрацијата, напротив – продолжија со ефикасна и цврста игра, па предноста постојано се зголемуваше до конечни плус 20.
Ова беше прва победа за македонската селекција на мундијалот, по поразите во групната фаза од Фарските Острови, Романија и Исланд, како и неуспехот против Мароко во првиот меч од разигрувањето.
Учество во игри на среќа е дозволено за лица со 18+ години. Играј одговорно!