Марка: Челзи ја врати Барселона во реалностa

Фудбалерите на Челзи одиграа извонреден натпревар во 5-то коло од Лигата на шампионите, целосно надигрувајќи ја Барселона со убедливи 3:0. Тимот на Енцо Мареска веќе до 25-та минута постигна два гола, но обата беа поништени поради офсајд и играње со рака. Сепак, поведе во 27-та минута, кога Жул Кунде си постигна автогол.

Челзи беше значително подобар во првиот дел, а голема предност доби во 44-тата минута, кога капитенот на Барселона, Роналд Араухо, доби втор жолт картон, што значеше и црвен.

„Сините“ ја искористија таа предност со головите на Естевао и Лиам Делап во 55-та и 73-та минута, соодветно. Со оваа победа, Челзи се искачи на петтата позиција со 10 бодови, додека Барселона е на 15-то место со седум бодови. Головите можете да ги погледнете ОВДЕ.

Марка ја изрази својата критика кон Барселона по оваа неуспешна партија. Престижниот шпански весник истакна: “Барселона не го имаше својот ден. Знаците на напредок не траеја долго, а Челзи ги врати во реалноста во Европа. Тимот на Ханси Флик не се покажа подобар додека ги имаше сите играчи на теренот, а уште помалку по исклучувањето на Араухо пред крајот на првото полувреме.”

Овој втор пораз во Лигата на шампионите значи дека има потреба да победи во останатите три натпревари, што е реално остварлива задача против Ајнтрахт Франкфурт, Славија Прага и Копенхаген, за да се обиде да заврши меѓу осумте најдобри и да ја избегне елиминацијата.”