Манчестер Јунајтед во проблеми: Инспекција влезе во просториите на клубот и остана без зборови

Манчестер Јунајтед веќе долго време е само сенка на она што некогаш беше, а по контролата што ја изврши инспекцијата може да се најдат во проблеми и надвор од теренот.

Освен проблемите што ги имаат на теренот – во смисла на катастрофалните резултати кои ги следат веќе подолг период, постојат проблеми и надвор од теренот.

Според англиските медиуми, поточно „Дејли Мејл“, инспекцијата ги посетила просториите на клубот и се изненадила од она што го открила.

Во неколку простории биле пронајдени глувци, меѓу другото и во кујната каде што се подготвува храна за играчите и останатиот персонал.

Поради тоа, инспекцијата „го казнила“ клубот со оценка од само две ѕвездички од можни пет, што е многу лоша оценка.

Што се однесува до самиот стадион (Олд Трафорд) и тој е во многу лоша состојба и се очекува изградба на нов стадион.

Фото: Принтскрин