Манчестер Јунајтед официјално го претстави Брајан Мбемо како свој играч. Камерунецот беше донесен од Брентфорд, а според информациите “црвените ѓаволи” ќе платат за него 65 милиони евра, плус уште 6 милиони во форма на бонуси.
25-годишниот фудбалер потпишал договор со Јунајтед за следните пет години, со можност да се продолжи со уште една. Тој стана третото ново засилување ова лето по Матеус Куња и Диего Леон.
Street Workout Macedonia – Движење што гради сила, карактер и издржливост | Уште еден поткаст
“Од моментот кога дознав дека има шанса да потпишам со Манчестер Јунајтед, морав да ја искористам оваа можност. Ова е клубот на моите соништа, чиј дрес го носев уште како дете. Мојот менталитет е секогаш да станувам подобар од вчера. Знам дека поседувам дух и карактер за да достигнам повисоко ниво и да учам од Рубен Аморим, додека играм со играчи од светска класа. Сите ми зборуваа за атмосферата тука и за големите планови за иднината. Ова е огромен клуб, со неверојатен стадион и уникатни фанови. Сите сакаме да се бориме за најголемите трофеи”, изјави Мбемо при своето претставување.
Учество во игри на среќа е дозволено за лица со 18+ години. Играј одговорно!