Рубен Невеш сака да се врати во Премиер Лигата и Манчестер Јунајтед е подготвен да ја искористи ситуацијата за да го зајакне средниот ред со Португалецот, тврди „Дејли Мејл“.
Вулверхемптон го продаде на Ал-Хилал во 2023 година за 47 милиони фунти, но неговиот договор истекува и саудискиот клуб е подготвен да го остави да си замине за многу пониска сума уште за времетраењето на јануарскиот трансферен прозорец. Англискиот медиум тврди дека бараната цена е околу 20 милиони фунти.
Исхрана, повреди и тренинг – совети од доктор по спортска медицина | Уште еден поткаст
20-кратните шампиони сигурно сакаат да се зајакнат во средината на теренот, бидејќи иднината на Каземиро, Коби Мајну и Мануел Угарте, кој не ги оправдува очекувањата, е неизвесна. Како трансферни цели за овие позиции се спомнуваат половина дузина имиња – Елиот Андерсон, Адам Вортон, Конор Галахер, Карлос Балеба, Тајлер Адамс и Жоао Гомес.
Порто исто така го сака Рубен Невеш, а од Ал-Хилал сè уште се надеваат дека до почетокот на јануарскиот трансферен прозорец ќе го продолжи договорот.
Учество во игри на среќа е дозволено за лица со 18+ години. Играј одговорно!