Манчестер Јунајтед добива неочекувано засилување пред крај на сезоната

Англискиот играч за врска на Манчестер Јунајтед Мејсон Маунт се враќа на тренинг со својот тим по тримесечна пауза поради повреда на препоните. Маунт оваа сезона одигра 13 натпревари, но во нив не постигна ниту еден гол ниту асистенција. Тој пристигна во Јунајтед пред две години и беше платен 65 милиони евра.

Не се покажа како засилување. Постигна само еден гол во 32 натпревари во кои настапи во текот на две сезони. Маунт ја започна кариерата во Челси и со добрите игри во Лондон заработи повик во англиската репрезентација. За неа има 36 настапи и пет погодоци.

Манчестер Јунајтед оваа сезона е слаб според своите стандарди. Во Премиер лигата е на 14. место, а испадна од ФА купот од Фулам. Во Лига Европа игра реванш натпревар од осминафиналето против Реал Сосиедад во четврток на Олд Трафорд. Првиот натпревар заврши 1:1.