Maнчесер јунајтед во финишот од преодниот рок тргнува по еден од најдобрите голмани во светот!

Манчестер Јунајтед се фокусира на ангажирање нов голман, бидејќи изминатите искуства покажаа дека ниту Андре Онана, ниту Алтај Бајиндир не се компатибилни со потребите на клубот на позицијата.

Веста што пристигна денеска изгледа сензационално – Јунајтед тргнува кон привлекување на Емилијано Мартинез!

Оваа тема се појавуваше и летово, но престана да се спомнува кога Јунајтед се насочи кон привлекување на Џанлуиџи Донарума. Сепак, познато е дека Италијанецот повеќе го привлекува Манчестер Сити.

Јунајтед сега е во деликатна ситуација каде што мора да донесе одлука. Мартинез има зелено светло да се оддели од Астон Вила, бидејќи тие веќе обезбедија нов чувар на мрежата во лицето на Бизоа и се подготвени да разгледаат соодветна понуда за Аргентинецот.

Иако цената засега е неизвесна, се претпоставува дека Јунајтед ќе ја разгледа можноста без многу дилеми, бидејќи нов голман е повеќе од неопходен.

Претставата на Онана против Гримсби беше разочарувачка, додека Бајиндир исто така направи грешка против Барнли која не остана незабележана. Од оваа перспектива, менаџментот бара алтернативни решенија, акутно потребно е сигурно засилување зад линијата.

Во игра е и младиот голман Сен Ламанс од белгискиот Ројал Антверп, но сега приоритет добива повозрасниот и искусен Дибу Мартинез.