Македонија ослабена во натпреварите со Белгија и Казахстан

Фудбалската репрезентација на Македонија ќе биде ослабена за претстојните два натпревари во квалификациите за Светското првенство 2026.

Лирим Ќамили, играчот на дански Сондерјиске, нема да може да им помогне на „црвено-жолтите“ поради повреда здобиена на средбата против Копенхаген. По направените детални лекарски прегледи, е утврдено дека тој ќе мора да паузира и нема да биде во комбинација за октомвриските дуели.

Дополнителен проблем за селекторот Благоја Милевски е суспензијата на Бојан Илиевски од Струга Трим Љум, кој ќе го пропушти собирот поради картони.

Македонија најпрво ќе гостува во Гент против селекцијата на Белгија на 10 октомври, а три дена подоцна ќе ја пречека Казахстан во Скопје.