Maкедонскиот октопод: Митревски блесна со 14 одбрани за ЕДНО полувреме!

Македонскиот репрезентативен голман, Никола Митревски имаше фантастичен натпревар за Порто во Лигата на шампионите против ГОГ Гудме.

Порто славеше победа од 32:31, а Митревски беше најзаслужниот за пресвртот кој го направи португалскиот тим.

Данскиот тим одигра одлично прво полувреме по кое водеше со 15:21, но потоа на сцена Митревски и ја „спушти ролетната“ пред својот гол.

Митревски беше несовладлив за противникот, ракометарите на данскиот тим немаа решение, па така македонскиот чувар на мрежата во вториот дел собра неверојатни 14 интервенции и сосема заслужено го доби признанието за играч на натпреварот.

Второто полувреме Порто го доби со 17:10 и така освои важни бодови од групата Б во ракометната Лига на шампиони.