Mурињо остана без еден играч до крајот на сезоната

Екипата на Рома во овој момент во Серија А се наоѓа на третата позиција и до крајот на сезоната „волчицата“ ја очекува интересна битка за местата кои водат во Лигата на шампионите.

Рома за викендот го победи Торино, но Мурињо по овој натпревар доби и една лоша вест.

Имено, Ола Солбакен се здоби со повреда и како што стојат работите оваа повреда не е наивна. Фудбалерот се здобил со изместено рамо и првичните прогнози не се позитивни.

Не е прецизирано, но се најавува дека сезоната за него е завршена. Солбакен од неговото доаѓање во Рома во зимскиот преоден рок настапи на осум натпревари во Серија А и постигна два гола.