Mурињо направи шоу на прес-конференцијата по победата со Салцбург: Земи си ги парите и бегај дома!

Рома го исфрли Салцбург од Лига Европа, по што на прес-конференцијата во Рим владееше одлична атмосфера, а посебно расположен беше Жозе Мурињо.

Мурињо по натпреварот направи вистинско шоу и ги изнасмеа присутните, откако му се обрати на преведувачот.

„Нема австриски новинари? Ништо, земи си пари и бегај дома“, кажа Мурињо и ги насмеа присутните во салата.

Португалецот има договор со Рома до 2024 година, а во моментов многу добро ја предводи екипата, додека минатата сезона успеа да ја освои и Конференциската лига.