Играчот за врска на Лацио, Сергеј Милинковиќ Савиќ е еден од најбараните играчи ова лето кои се уште не го промениле клубот.
За услугите на српскиот фудбалер интерес покажаа неколку европски гиганти како што се ПСЖ, Јувентус и Милан, но засега ниту една понуда не ги задоволи апетите на претседателот на Лацио Клаудио Лотито.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Како што денес пренесуваат италијанските медиуми на адреса на клубот од Рим пристигнала уште една понуда од Милан. Според италијанските медиуми ова ќе биде последна понуда од некој италијански клуб со оглед на тоа дека преодниот рок во Италија е отворен уште два дена.
Техничкиот директор, Леонардо на Милан наводно доставил понуда до Лацио за позајмица од 40 милиони и опција за откуп на договорот наредното лето за дополнителни 80.
Сепак, очекувањата на италијанските медиуми се Лотито да ја одбие оваа понуда.
Учество во игри на среќа е дозволено за лица со 18+ години. Играј одговорно!